Partneriaeth Newydd

Partneriaeth Newydd rhwng Porthi Dre a Roberts o Borth Dinorwig

Rydym yn falch iawn o gyhoeddi ein partneriaeth newydd efo Roberts o Borth Dinorwig! Mae’r cwmni lleol yma’n adnabyddus am eu cynnyrch cig o safon, ac rydym yn gyffrous i rannu eu selsig porc premiwm a’u selsig coctel premiwm blasus gyda’r gymuned. Mae’r cynnyrch ar gael rwan o’n Hwb yn Porthi Dre – i gyd am bris teg a gostyngedig!

Lansiad Llwyddiannus gyda’n Grŵp Dydd Llun
I nodi’r lansiad, cawsom ddiwrnod bendigedig gyda’n grŵp Dydd Llun – grŵp sy’n croesawu pobl dros 60 oed bob wythnos rhwng 11:00 a 15:00 i gymdeithasu, mwynhau pryd o fwyd am ddim a chymryd rhan mewn gweithgareddau amrywiol. Roedd y cynnyrch yn boblogaidd iawn gyda’n mynychwyr, ac rydym yn edrych ymlaen at weld mwy o bobl yn dod draw i flasu’r selsig blasus hyn!

Cefnogi Cynhyrchydd Lleol
Mae cefnogi cynhyrchwyr lleol wrth galon ein gwaith yn Porthi Dre, ac mae’r bartneriaeth hon yn adlewyrchu ein hymrwymiad i gefnogi busnesau lleol a darparu cynnyrch o safon i’r gymuned.

Dewch Draw i Flasu a Chefnogi!
Os oes gennych ddiddordeb mewn rhoi cynnig ar y selsig premiwm hyn, dewch draw i’n Hwb yn Porthi Dre. Mae’n gyfle gwych i flasu cynnyrch lleol o ansawdd tra hefyd yn cefnogi busnes teuluol sydd wedi bod yn gwasanaethu’r ardal ers blynyddoedd.